和田弁当的始創人Jason, 和大家一樣是一個打工仔, 每天都背負住好重好多既工作量。而每日比較放鬆的就是午飯時間. 但係當lunch hour 落到餐廳, 面對到的就是長長的人龍, 就算買個外賣都要花上十幾分鐘, 當買完返回坐位食嘢時個飯都凍晒, 只好咩都唔理食完就再回崗位作戰. 曾在日本生活多年的Jason，決定夥拍有超過二十年餐飲經驗的日籍主廚，開設和田弁当。希望重新定義lunch 的模式, 可以為一眾打工仔帶來一份熱辣辣日本正宗便當, 為香港打工仔打打氣。

曾經有個清貧的華人學生, 隻身到日本留學. 他租住了一個單位, 一邊努力讀書和學習日文, 一邊打工賺取生活費用. 所以每天都機械式忙忙碌碌咁過住生活, 當收工返到租房, 都是簡簡單單食個公仔面醫肚後就休息, 生活都十分單一平淡.

有一天, 呢位留學生慕名而到了東京近郊的鎌倉, 打算好好咁放下自己, 希望係平淡的生活中帶來一點點新體驗。

但留學生一路在鎌倉的街道和名勝, 見到途人個個要不是一雙一對, 要不是就一家大細十分溫暖. 係呢個時候呢留學生既內心不但得不到一個開心既旅程, 反而不自覺咁多咗一份失落和空虛感.

當行行吓不知不覺就到左中午時間, 由於留學生獨自一個人, 就打算隨便找個快捷的地方食飽就算. 不經意留學生到了一間自家制弁当店, 打算食個隨隨便的弁当醫飽個肚就算. 怎知呢間弁当的老板娘給這個留學生帶來了一份熱辣辣的弁当, 而臨走時老板娘仲同呢個留學生講咗句:“奸爸嗲”. 就因呢個熱辣辣既弁当, 一句簡單既打氣說話, 令呢位留學生相信人間有情呢4個字.

幾年後呢位留學生在東京大學畢業, 返咗香港開始人生的另一頁. 當然佢同其他大部份既打工仔一樣, 每日返工要不就開會, 要不就給老板/客人訓話, 到中午就叫定個飯盒, 十多分鐘食完再打拼過. 就算經過幾年, 係呢位留學生心中依然記得係鎌倉美味的弁当和溫暖的打氣。 無錯啦, 呢位留學生就是和田弁当的始創人。佢將弁当命名為“和田弁当”，係為了紀念佢在日本的第一位恩師：和田先生。